असते सहजसाध्य, पण घडवतो तर्कशुद्ध

काल रात्री 11.30 च्या सुमारास अंथरूणावर पडलो. पण काही केल्या झोप लागेना. ब-याच वेळ मनात विचारांचे चक्र सुरु होते. ते तर सतत सुरु च असते.. पण रोज़ तर पड़ल्या पडल्या 2 मिनिटात झोप लागते. पण काल अस क़ाय विशेष घड़ल होत??? पुन्हा नीट आठवायला सुरुवात केली. सकाळपासून रात्रिपर्यंत दिनचर्या डोळ्यासमोर आणली. 


तेव्हा लक्षात आल, की झोप लागू नये इतक विशेष दिवसभरात काही घड़लच नव्हतं. मग विचार केला उद्या उजाड़णा-या दिवसाचा! पण उद्या ही अस फार काही विशेष घड़णार नव्हतं की ज्याच्या विचारांनी मला आज झोप लागू नये. मग मुळात नक्की चुकत होत तरी क़ाय?? विचार केला,विचार करता करता रात्रीचा एक वाजून गेला हो. तरी डोळा लागेना आणि का लागत नाहीये हे ही कळेना.


शेवटी अचानक डोक्यावरील पंख्याकड़े कड़े लक्ष गेल. गेले 2,3 दिवस फार च थंडी असल्याने fan चा regulator 2 वर केला होता आणि काल अचानक थोड़ी थंडी कमी झाली होती. पण fan चा रेग्युलेटर 2 वर च होता आणि सवयीप्रमाणे मी ही पांघरुण घेऊन च अंथरूणावर पडलो. इथे चूक लक्षात आली. पांघरुण बाजूला सारलं आणि fan चा रेग्युलेटर 2 वरुन 4 च्या स्पीड वर वाढविला आणि मग 2 ते 5 मिनिटातच झोप लागली.

असंच असतं आपल्या आयुष्याच सुद्धा.. प्रत्येक गोष्टीला गहन प्रश्न समजून आपल्या अंतरंगात त्याची उत्तरे शोधण्याची गरज नाही. काही गोष्टी या अतिशय गौण सुद्धा असतात ज्याचे तात्पर्य आणि गमक हे आपल्या भौतिक आयुष्यातच दडलेले असते😊😊😊


© आनंद अरुण लेले.