आपण राष्ट्रासाठी क़ाय केल? काहीच नाही...

2014 मध्ये निवडणुका झाल्यावर भरघोस मतांनी निवडून जे सरकार स्थापन झाल तेव्हा तर आपण सर्वजण सुगीचे दिवस आल्याप्रमाणे खुश झालो होतो. पण तोच उत्साह 2018 च्या अस्तापर्यंत पूर्णपणे मावळताना दिसतोय. तेव्हा तर आपल्यातले बरेच जण छातीठोकपणे बोलले होते की आपल्याला निश्चित स्वरुपात घड़ताना दिसून येईल. मग 5 वर्षात झालेला हा मोठा बदलच नाही आहे तर मग अजून क़ाय आहे.  आपल्याला फ़क्त बदल हवा असतो पण त्या बदलासाठी होणारा त्रास न होता आपल्याला तो हवा असतो हे कस शक्य आहे? आपल्या सर्व भारतीयांची ना एक वृत्तिच बनून गेली आहे. कुठल्याही म्हणजे कुठल्याही गोष्टीत जोपर्यंत आपल्या बुडाखाली जाळ प्रज्वलित होत नाही तोपर्यंत आपण जागेवरुन हालत नाही आणि निश्चिंत असतो. म्हणजे पाणी गळ्यापर्यंत आल आणि डोक्यावरुन जाईल अस वाटायला लागल की मग च आपण हातपाय मारायला सुरवात करतो. अजून एक वाईट सवय म्हणजे समाजात घड़णारे चांगले बदल हे आपण कधीच लक्षात घेत नाही फ़क्त वाईट क़ाय घड़ल हेच आपल्या आणि समाजाच्या मनावर बिंबवत असतो. सरकार बदलल्यानंतर समाजात घडून येणा-या चांगल्या बदलांबद्दल कुठल्याही पक्षाने कधी तिळमात्र तरी वाच्यता केली का?  तुर डाळ महागली म्हणून कित्येक जणांनी बोंबा मारल्या, नोटबंदी झाली म्हणूनही कित्येक लोकांनी टिकेची झोड़ उठवली. 5 वर्षात दहशतवादी हल्ला, बॉम्ब ब्लास्ट यांसारखी एक ही अप्रिय घटना न घड़लेल्या सर्वात सुरक्षित देशात राहण काही बड्या हस्तींना अचानकच असुरक्षित वाटू लागल.  5 वर्षात एकही अप्रिय घटना घडली नाही या चांगल्या बदला बद्दल कोणीच बोलल नाही. फ़क्त एखाद्या महत्वाच्या गोष्टीचे दर वाढले की सुरु करायची बोंबाबोंब ही आपली वृत्ती पण ज्या गोष्टीचे दर कमी झालेत त्याची वाच्यताच नाही. आज आपल्या समाजव्यवस्थेला आंदोलन करायला कुठलाही विषय पुरतो.. समाज, अर्थव्यवस्था ही जितकी कार्यरत राहील ना तितकी भक्कम आणि बळकट होते. पण आपण आंदोलन करून ती सुध्दा ठप्प आणि बंद करून टाकतो. सरकारी संपत्तिचे नुकसान करून आपण आपल्याच हातांनी आपल्याच पायावर कु-हाड़ मारतोय. गेल्या काही महिन्यात बंद ची पण इतकी सवय झालीय की आता ते बंद आणि त्यांच्या वायफळ कारणांमागच काही अप्रूप च वाटत नाही.. बंद करून विरोधक सरकारला त्रास द्यायला जाता आणि त्रास होतो कोणाला? सामान्य जनतेला, तीच जी प्रत्येक निवडणूकीत तुम्हाला मत देते.. बंद करण आणि आंदोलन करण हे स्वतःच्या नाकर्तेपणाचे खापर सरकार वर फोड़ण आहे. सगळ्यांनी सरकारला दोष देण्याआधी आपण स्वतः या देशासाठी किती आणि क़ाय करतो याचा जरा विचार करा.. पेट्रोल वाढले म्हणून नुसत सरकारच्या नावाने आकांततांडव करतो. पण कधी असा विचार करतो का की पेट्रोल मुळे प्रदूषण होत, 10 ठिकाणी बुडाखाली गाड़ी दामटवण्याऐवजी जरा चालूयात असा विचार करतो का?  असा विचार जर सगळ्यांनी केला तर पेट्रोल डीझेल चे दर कमी होतील च पण प्रदूषण सुध्दा कमी होईल. एका न्यूज रिपोर्टर चा एक वीडियो नुकताच पाहिल, तेव्हा एक सामान्य माणुस त्यात म्हणत होता कि पेट्रोल वाढ ही समस्या नाहीये, तर विरोधी पक्ष ही समस्या आहे. पेट्रोल 200 रु. पर्यंत वाढले तरी चालेल पण सरकार हेच पाहिजे. याला म्हणतात 2014 इतकाच उत्साह आणि विश्वास.. पहिली गोष्ट म्हणजे पूर्ण खातरजमा केल्याशिवाय कोणावर विश्वास ठेऊ नये आणि एकदा विश्वास ठेवला की मग परत संशय घेऊ नये..

चांगल्या रस्त्याला जसे गतिरोधक तसेच चांगल्या कामाला विरोधक हे असतातच, जितके जास्त विरोधक तयार होत आहेत याचा अर्थ हाच की ते काम अत्यंत चांगल्या पद्धतीने होत आहे. फ़क्त सामान्य माणसाने या अशा परिस्थितीत डगमगता कामा नये, त्याने अत्यंत तटस्थ राहिले पाहिजे. कारण या विरोधी घटना समाजाला विचलित करण्यासाठी आणि समाजाचे मत बदलण्यासाठी केल्या जातात. आपण त्याकडे फारसे लक्ष देऊ नये. आपण मतदान करतो याचा अर्थ हा नाही की आपल्या सरकार विरोधात वाटेल ते बोलण्याचा अधिकार आपल्याला मिळालाय आणि मग तस असेल तर आत्ता विरोधात उठणारे हेच आवाज 5 वर्षापूर्वी का बर गप्प होते. तेव्हा तर एकाने ही आवाज उठवला नाही. तेव्हा तेरी भी चुप मेरी भी चुप असा प्रकार होता. आता सगळ्यांना अचानक याच 5 वर्षात जाग येण्यामागच कारण क़ाय? हया एकाच प्रश्नात अनेक उत्तरे दड़लेली असतील. तुम्हाला सदयस्थित सरकार नसेल पटत ना तर ते पुढील निवडणुकीत तुमच्या मतामधून दाखवून दया. देशाचा नागरिक म्हणून आधी स्वतःची सगळी कर्तव्य नीट बजावा आणि मग हक्क वगैरे च्या बाता मारा.

मोदींंना पर्याय शोधत आहेत, मोदी पेक्षा सरस माणूस हवाय, एखादा फालतू माणूस सुद्धा चालेल, थोडक्यात क़ाय तर मोदी सोडून कोणी ही चालेल यांना पण फ़क्त मोदीच नको आहेत. ही यांची मोठी समस्या आहे. मोदींना मोडित काढण्यासाठी कुठल्याही थराला जातील किंवा कुठलाही मुद्दा हा कळीचा बनवून त्याच घाणेरड़ राजकारण पुढील 4 ते 5 महिन्यात खेळल जाईल. भक्त वगैरे अजिबात नाही तर समाजात वावरताना आणि सोशल मीडियावर जे दिसतय आणि बघतोय त्यावरून जे खोट आणि जे स्पष्ट दिसतय त्याचा आढावा घेऊन मांडलेली एक प्रामाणिक भूमिका.. खरे अंधश्रद्धाळू तेच आहेत जे स्वतः दुस-याप्रमाणे अंधानुकरण करून इतरांवर भक्त असल्याचा ठपका लावत आहेत... जिथे भक्ती होतेय तिथे सत्य नाहीये आणि जिथे सत्य आहे तिथे भक्तिची मुळात गरजच नाहीये. पण पाठींब्याला भक्ति म्हणण्याची अंगदशिष्टाई करणारे दुटप्पी समाजाच्या दृष्टीने सर्वार्थाने नगण्यच आहेत.

धन्यवाद!

सहज सुच...लेले🖋