आमचं कल्याण

कल्याण मध्ये आहे अनेक प्राचीन वास्तू ज्यांना म्हणतात पडकी
अनेक वडापाव फेमस आहेत पण एकदा तरी खाऊन बघा खिडकी

कधी तरी खावी दिवाकर ची इडली चटणी कधी गुरुदेवचा डोसा
ज्या ढोकळयाच्या चटणीला जगात तोड नाही असा आहे आमच्या ठक्करचा समोसा

जिभेचे चोचले पुरवण्याच्या बाबतीत टिळक चौक कायम अतुल्य
फक्त जागेच्या पायगुण बघून तिथे  उघडत आहेत आत्ताचे अनेक अमृततुल्य

फक्त शिक्षणानेच नव्हे तर कलासंस्कृतीने सुसंस्कृत होतो समाज
त्या कलेच्या दालनाचे एकमेव विद्यापीठ म्हणजे आमचा कल्याण गायन समाज

जिथे फक्त विद्यार्थ्यांचा अभ्यासच नव्हे तर संपूर्ण शिक्षणक्रमच असतो गाढा
शिवबा व लोकमान्य ह्यांचा चरणस्पर्श झालेली भूमी म्हणजे सुभेदार वाडा

जेव्हा ऑटो रिक्षेकरिता आमच्या इथे लागतात भरमसाठ रांगा
तेव्हा अजूनही कामी येतो घोड्याला गाडी जोडलेला टांगा

इथे मध्यरात्री सुद्धा जर पोटात भुकेने होत असेल काव-काव
तर पहाटे पहिले गाठावा दूध-नाक्यावरचा फेमस मलई-पाव


शिवरायांच्या साम्राज्यापासून संपूर्ण सागरी आरमारास जोडणारी एकमेव खाडी
ज्या खाडीच्या नजीकच लागून असलेला शिवबांनी काबीज केलेला किल्ले दुर्गाडी


खाद्य, शिल्प, प्राचीनत्व, कलेने समृद्ध असलेल्या या शहरात राहणाऱ्याचे कधीच होणार नाही अकल्याण
ऐतिहासिक आणि संस्कृतीने परिपूर्ण व परिपक्वता संपादित केलेल्या शहराचा अभिमान बाळगावा असंच आहे आमचं कल्याण

©® - आनंद लेले